Styttist í Óskar frænda :)

Aldrei þessu vant eru íslensku bíóin með á nótunum og búið að sýna flestar, ef ekki allar þær bíómyndir sem eru tilnefndar til Óskarsverðlauna í ár. Ég er búin að vera dugleg að fara í bíó og horfa á myndirnar á netinu og er nokkuð sátt við val flestra mynda í topp 5 á öllum vígstöðvum. Þó fannst mér í fyrsta lagi skrítið að "Blood Diamond" væri ekki ein af þeim sem tilnefnd var sem besta myndin, fannst hún svo miklu betri en t.d. "The Departed" þó að hún hefði líka verið góð en kannski ekki Óskars góð. Og hvað er þetta með "Dreamgirls"? Er fegin að hafa ekki eytt pening í hana í bíó, þessi mynd er bara eitt stórt PLÖ. Eina sem á virkilega skilið að fá tilnefningu fyrir þáttöku í þessari mynd er Jennifer Hudson. Annað ekki, sorry!

En ég á mín uppáhöld í ár.

• Vona að annað hvort Leonardo DiCaprio eða Will Smith fá Óskarinn fyrir besta leikarann. Leo var svo ótrúlegur í "Blood Diamond" að ég var bara "VÓ!" og svo var Will svo sannfærandi í "The Pursuit to Happyness" og hann er bara svo frábær.


• Djimon Hounsou má alveg fá besta karlkyns aukaleikarann en hann lék með Leo í "Blood Diamond" og var alveg magnaður.


• Er ekki búin að sjá neina af þeim myndum sem þær leikkonur sem tilnefndar eru fyrir bestu leikkonuna léku í en Helen Mirren kemur sterklega til greina í þeim flokki enda búin að raka að sér öðrum verðlaunum fyrir leik sinn í "The Queen".


• Get ómögulega valið í flokknum um bestu aukaleikkonuna. Adriana Barraza og Rinko Kikuchi voru báðar mjög góðar í "Babel" og sama má segja um Jennifer Hudson í "Dreamgirls". Svo er Cate Blanchett bara frábær leikkona og ég er búin að sjá sýnt úr "Notes on a Scandal" og hún lofar góðu.


• Trúi ekki öðru en að Martin Scorsese fá Óskarinn fyrir bestu leikstjórn í myndinni "The Departed". Hann hefur oft verið tilnefndur en aldrei unnið! Hvað er það? Maðurinn er snillingur! Verð fúl ef hann vinnur ekki! ;)


• Besta myndin í ár verður annað hvort "The Queen" eða "Babel" en eins og ég segi þá finnst mér furðulegt að "Blood Diamond" sé ekki á meðal topp 5! Þá hefði ég spáð henni sigri...pottþétt!

Jú, jú eins og þið sjáið þá finnst mér þessi hátíð ekki leiðinleg en ætla ekki að spá meira, enda eru þetta aðalverðlaunin sem meðal Jóninum er sama um :) hehe

Ætla hins vegar að hafa það rosalega gott í Lund/Malmö hjá henni Bryndísi ásamt Auju sem og í Århus hjá Helgu Björt næstu vikuna. Hver veit nema Helga Björt lumi á stöð sem sýnir beint frá Óskarsverðlaununum þann 25. febrúar næstkomandi :) hehe Bið að heilsa ykkur í bili snúllur :*

Imba Fox | 8:16 e.h. | 

Áfengi a.k.a. Booze....

Mikið hló ég rosalega af Kastljósinu áðan! Fyrir þá sem misstu af fjörinu þá var sem sagt gerð tilraun á því hversu mikið viðbragðstími fólks minnkar eftir því sem það drekkur meira áfengi og var ungur strákur notaður sem tilraunadýr og látinn keyra í ökuhermi. Tilraunin átti sem sagt að sýna fram á það að það er bara alls ekki í lagi að keyra eftir einn og hvað þá tvo. Á endanum var strákurinn blindfullur í myndveri Kastljóssins, keyrði á hreindýrið í ökuherminum, fór yfir á rauðu ljósi og sat svo í viðtali eftir herlegheitin þar sem hann var svo gjörsamlega á eyrnasnepplunum að hann röflaði á ensku við Ragnhildi Steinunni og sagði að maðurinn við hliðina á sér í viðtalinu væri "Booring!" :) Áðan var svo viðtal við hann allsgáðan og hann sagðist ekki hafa munað eftir helmingnum.

Ok..... áfengi..... aldrei verið mitt uppáhald en þó alls ekki leiðinlegt að fá sér eitt til tvö glös í góðra vina hópi þegar mikið stendur til. Hef satt að segja aldrei áttað mig á því hvað er svona gaman að því að drekka frá sér allt vit og muna ekki eftir hvað gerðist kvöldið áður. Íslendingar eru sér þjóðflokkur hvað áfengi varðar og eru satt að segja að mínu mati hundleiðinlegir í glasi. Mætti stundum halda að þeir taki Rússa sér til fyrirmyndar. Þó ætla ég ekki að dæma allan skóginn þó að eitt tré hafi fölnuð lauf.

Mér finnst samt áfengi vera hálf úrelt, lélegt efni svo maður geti afsakað hegðun sína daginn eftir, fyrir utan það að líða svo hræðilega illa (þynnkan) að það er eins og fílar hafi traðkað á manni alla nóttina sem og að apar og górillur hafi notað mann til að skúra gólfin og passað sig á því að reka höfuðið í öll horn sem hægt var að finna. Svo er þetta svo mikil peningasóun, þetta er drukkið og svo pissað skömmu síðar, fyrir utan hvað áfengi er rooosalega dýrt á skemmtistöðum og að lokum komast heim til sín í leigubíl. Ég er kannski nánös en ég kýs frekar að fara á bíl, komast heim í mitt rúm og að lokum vakna frísk eins og ljón daginn eftir :) Ég veit um manneskju sem er alveg ónýt alla helgina ef hún fer að djamm á föstudegi - gaman það?? Æi nei!

Ég hef nú alveg margoft skemmt mér konunglega með áfengi frá því að ég byrjaði að drekka á 18. ári en núna finnst mér ekki passa að drekka mig blindfulla haga mér eins og svín á svelli. Ég er kannski eitthvað skrítin en mér finnst bara ekki fallegt að sjá stelpu að nálgast þrítugt sem hagar sér ekki eins og dama ;) hehehe Já, ég að haga mér eins og dama....... hehehe Ég get svarið það að ég get það alveg ;) Ég tók þá ákvörðun eftir árshátíð Icelandair á síðasta ári að nú væri kominn tími til að leggja boozið á hilluna. Þessi fína galahátíð en það var nákvæmlega ekkert galalegt við mig það kvöldið.

Svo er annað, strákar þora aldrei að tala við mann nema maður sé líka í glasi. Hvað er það??? Er maður einhver ógn þegar maður er edrú? Hef aldrei skilið það dæmi! Og líka það að maður skuldi gæjanum villt kynlíf í viku ef hann býður manni einn Mojito..... ég meina halló? Hvernig væri að reyna að vaxa? (Grow up fyrir þá sem eru með hægan fattara ;) ) Finnst miklu skemmtilegra að tala við strák sem er með fullu viti og þá kannski feiminn (sem er bara krúttlegt by the way) heldur en ofurölva sem hugsar bara um hvort hann sé með kellingu í fanginu klukkan korter í þrjú.

Ég er farin að hljóma eins og uppþurrkaður femínisti þannig að þá er kominn tími til að setja punkt á næstunni. Vildi bara óska að fólk kynni að drekka í hófi. Áfengi og vímuefni eru bara að rústa svo mörgum fjölskyldum í dag, það er raunveruleikinn þó að það sé kannski ekki beint fyrir framan nefið á manni. Finnst að Íslendingar ættu að taka Frakka eða Ítali sér til fyrirmyndar í áfengismálum en ekki Rússa eða Pólverja. Aldrei sá ég blindfullan Frakka þegar ég bjó í Frakklandi og þar er ekki drukkið bara til að verða fullur þó að auðvitað séu alls staðar undantekningar. Skál í boðinu gott fólk ;) Þið eruð allavegana með "driver" þegar þið farið næst á djammið með mér ;) Imbs on the Blue Wildcat :)

Imba Fox | 8:03 e.h. | 

Þetta er nú bara alveg eins og Yarisinn minn, eitt hestafl :) múhahaha Alltof mikið af snillingum í þessum heimi!

En hvað er annars að frétta? Síðasta helgi var nú örugglega með þeim skemmtilegri í langan tíma. Fór með Agnesi niður á tjörn að gefa öndunum á föstudaginn í veðurblíðunni. Gráðugar gæsir, svanir og endur eltu okkur alveg óhræddar til að sníkja eitthvað að éta :) Voru svo svangar gæsirnar að þegar við vorum búnar með brauðið þá stefndu þær á bangsann hennar Agnesar hehe héldu að hann væru brauð líka. Svo fékk ég svo illt í hjartað þegar ég sá eina gæs koma haltrandi á móti okkur, var ekki eins frek og hinar þannig að hún var aðeins mjórri og ég gat ekki gefið henni neitt, var alveg miður mín. Vona bara að hún hafi það gott :) hehe Svo náttúrulega röltum við á ísilagðri tjörninni, fyrsta skipti sem Agnes gerir það og það var rosa fjör. Steig svo í gæsakúk á leiðinni í bílinn þannig að í framtíðinni blasir ekkert við nema glimrandi hamingja :) Er það ekki svoleiðis?? :)

Ég og músin mín :)

Svo er það ekki á hverjum degi sem Sunna beib er gæsuð og þá um leið ekki á hverjum degi sem við vinkonurnar úr grunnskóla djömmum saman. Ótrúlega vel skipulagt hjá Huldu og co og ég mæli sérstaklega með Huldu sem skipuleggjanda fyrir svona gigg, hún getur séð um allt, frá kostnaði til matargerðar :) Svo er hún líka gangandi skemmtiatriði og tekur meðal annars að sér að syngja "Walking on sunshine!" í singstar með skemmtilegum áherslum á vitlausum stöðum sem og líka hlutverk nokkurs konar útkastara úr litla danshringnum okkar á dansgólfinu á Oliver en þeir karlmenn sem voguðu sér að reyna við gæsina okkar fékk vægast sagt góða meðferð hjá Huldu. Hún sem sagt afklæddi þá bara og henti þeim út úr hringnum eins og notuðum hlut þannig að þeir dirfðust ekki að snúa aftur :) Mér var bara illt í maganum eftir allan hláturinn sem er svo æðisleg tilfinning að það er ekki normal. Sunna fór sem sagt í útsýnisflug yfir borgina, maga- og súludans, dekurnudd, dinner a la Hulda og Lilja, djamm og tjútt til kl 4 á Oliver og svo heim á bláa limmanum til Kef City um 6. Ótrúlega skemmtilegur dagur girls og takk fyrir alla skemmtunina :*

Síðast en ekki síst þá kom Jessie til landsins á föstudaginn og fórum við ásamt Amy á styrktarleik í körfunni, Keflavík í körfunni á móti Keflavík í fótboltanum og allur ágóði leiksins rann til Magga Gunn og fjölskyldu sem misstu allt sitt í bruna fyrir ekki svo löngu. Gaman að sjá leikmenn beggja liða leika allan tímann með bros á vör og um leið skemmta áhorfendum með alls kyns uppátækjum. Troðslan hans Gumma Steinars bar af en einn félagi hans fór á fjóra fætur undir körfunni svo hann gæti náð upp í hringinn, algjör snilld. Svo er Jessie svo myndarleg í sér að hún bauð okkur Amy og Hafsteini sjarmatrölli í pönnukökukooooofí í gær. Hver veit svo nema við, ásamt Láru, eigum deit við Justin Timberlake í Glasgow í maí??? :) Ég er svo heppin að hafa svona mikið af yndislegu og skemmtilegu fólki í kringum mig :)

Imba Fox | 2:43 e.h. | 

Af hverju er Imba á lausu?

Spurning sem ég fæ að heyra um mig eða er spurð að um það bil tvisvar í viku að meðaltali. Já, fólki finnst einfaldlega undarlegt að svona vænlegur kvenkostur leiki lausum hala bara yfirleitt. Tjahh ég veit ekki hver ástæðan er ein og sér. Ég á fullt að karlkyns aðdáendum út um allt en einhvern veginn er það alltaf þannig að ég er aldrei hrifin af þeim sem er hrifinn af mér eða öfugt. Held að þetta sé leið lukkudísanna minna að segja mér að ég þarf að hitta marga ranga aðila til að sjá þegar þar að kemur þann eina rétta sem kippir undan mér fótunum.

Mér líður reyndar afskaplega vel einni og það á kannski eftir að breytast þegar sá rétti kemur í leitirnar sem bara hefur ekki gerst hingað til. Það þarf sko meira en bara "pretty face" til að heilla mig og kann ég þá miklu betur að meta strák sem hefur húmor í lagi og ekki verra ef hann hefur sama húmor og ég sem er vægast sagt mikið skrítinn húmor :) Sama má segja um traust og heiðarleika því ég þoli ekki fólk sem lýgur. Held að ég hafi verið 10 ára þegar ég uppgötvaði það að lygi leiðir af sér aðra lygi þannig að ég ákvað snemma að það væri alltaf langauðveldast að segja sannleikann.

Svo er það einn líka frekar stór þáttur í þessu öllu saman en eins og flestir vita þá var mér dömpað allsvakalega af ástinni í lífi mínu á sínum tíma og ég held reyndar að svoleiðis hjartasár grói aldrei þó að maður nýti sér reynsluna sem býr að baki og passi sig ennþá betur á að brenna sig ekki aftur sem gerir mig þar af leiðandi ennþá kröfuharðari í dag. Ég er líka ljón og ég er ekki týpan sem geng á eftir strákum með slefið niður á höku, hringi í þá daglega eða eitthvað fleira í þeim dúr. Ég ákvað það fyrir löngu að ef einhver vill mig, þá skal hann hafa fyrir því!!! Ég hef líka alveg efni á að segja þetta því að mínu mati er ég þvílíkur massafengur ;) hehe Kom meira að segja einni gamalli konu til að hlæja af sér alla förðun á kvennaklósettinu á árshátíð Icelandair í gær þegar ég gekk að speglinum og sagði: "Mikið rosalega er ég sæt!" og meinti hvert einasta orð. Sumir kalla þetta hroka, ég kalla þetta sjálfsöryggi :) Gömlu konunni fannst þetta allavegana æði og sagði að það væru alltof margir með of lágt sjálfsmat núorðið. Samt er ég líka svo feimin og roðna niður í rass þegar fólk sem ég hitti ekki dagsdaglega hrósar mér fyrir fas mitt, útlit eða eitthvað sem ég hef gert vel. Bara svo það sé á hreinu að ég kann vel að meta það.

Það er nefninlega svo fyndið þetta með að hrósa sér sjálfur. Það virkar ég er að segja ykkur það! Ég meina t.d. ég er engin Jessica Alba í vextinum en mér finnst ég alltaf langflottust hvert sem ég fer. Ekki það að mér finnist aðrar stelpur eitthvað síðri. Ef manni líður ekki vel í eigin skinni þá er þetta líf "pretty much fucked already"! Held líka að það hafi verið fyrirfram ákveðið af æðri mætti að hafa mig pínu þybbna því annars ætti ég örugglega skrilljón ömurleg sambönd að baki. Ég á greinilega að fá einhvern sem kann að meta mig alveg eins og ég er með eða án stóru brjóstanna ;) haha Held ég yrði líka of sæt ef ég væri mjórri ;) Ein vinkona mín sem er búin að vera mikið í kringum mig undanfarið ár fór í starfsmannaviðtal um daginn og endaði viðtalið á því að segja hvað hún væri góður starfskraftur, dugleg og bara einfaldlega frábær manneskja. Ég get sagt ykkur það að því var bara vel tekið og hún sagði mér að þetta hefði hún lært af mér :) (átti líka auðvelt með það því hún er líka ljón) Ohh ég er svo stolt af henni :) hehehe

Æi ég bara veit ekki, kannski svarar þetta spurningunni um það hvers vegna ég er ennþá ein. Mér finnst þetta líka svo skondið ég meina af hverju er líka bara ekki í lagi að vera einn? Mér er skítsama þó að ég fari ein í bíó. Ekki horfi ég á fólk sem er eitt í bíó og hugsa: "Æi greyið það vill hann/hana engin/n!" hehe Sem kemur líka inn á mjög mikilvægan punkt, hverjum er bara ekki hundssama hvað öðrum finnst?

Ég býst ekki við neinu kommenti við þessum líka svo sem egóbústspistli um sjálfa mig og segja hvað ég sé góð og yndislega frábær manneskja ;) hehe Varð bara að koma þessu út ;)

Góðar stundir núðlurnar mínar og fyrir ykkur sem nennið að lesa þetta Imbubull, nennið að kommenta, hrósið mér og bara eruð vinir mínir...... ég eeeeeeelska ykkur!!! :) knús

Imba Fox | 9:35 e.h. | 

efst á síðu