Imba fox c",)

Margblessuð og sæl allir saman!

Ég hef þróað með mér nýja aðferð til að geta verið bæði fljótari að skrifa á bloggið og e-mail og um leið sparað mér tímann sem ég þarf að borga fyrir að vera í tölvunni. Ég keypti mér klukkutíma í gær og hann flaug eins og skot vegan þess að tölvurnar í skólanum eru svo hæggengar að það er eins og brandararnir frá Spaugstofunni séu alveg að virka….. “Maðurinn bakvið tjöldin!” Ég sé Örn Árnason fyrir mér undir borði að handsnúa tölvunum áfram hehehe Ég er ekki að grínast, fólkið hér er ekkert að stressa sig við að hafa nýjustu tæknina við hendina tölvulega séð. Annars er þetta aðeins öðruvísi en ég bjóst við. Það er aðeins kaldara á daginn og kvöldin en það kemur til með að batna með hverjum deginum – ekki það langt í sumarið!! ;) JEI Hér er enginn maður með mönnum nema að eiga hund og guð minn góður hvað þeir nenna alls ekki að þrífa upp eftir hundinn sinn – það er caca út um aaaallt!!! – sem þýðir kúkur á frönsku. Fólkið í bekknum mínum hló mikið þegar ég sagði þeim hvað kaka þýddi á íslensku ;) hehehe Þá sagði kennarinn “O no no we don´t eat “caca” here!!! hehe Já svona er þetta. Fólkið hérna er líka allt öðruvísi en maður hafði ímyndað sér Frakka – keyrandi hver á annan í hringtorginu hjá Sigurboganum, flautandi, öskrandi og dónalegir. Hérna hef ég bara séð bílstjóra gefa hvorum örðum tækifæri og svo þykir það sjálfsögð kurteisi að segja “bonjour” við alla ;) hehe Svo eru allar konurnar voða fínt klæddar og alveg gomma af gömlum hjónum sem rölta saman, hönd í hönd, komin á frönsku rivíeruna til að eyða síðustu ævidögunum.

Svo gleymi ég að segja frá aðalatriðinu – ég fékk töskurnar mínar LOKSINS í gærdag! Hélt að ég ætlaði að gráta af gleði þegar ég sá þær!! Mér var búið að líða eins og homeless person í næstum tvo daga og ég get sagt ykkur það að nú skil ég rónana vel þegar þeir rölta um með innkaupakerrurnar sínar fullar af drasli sem þeim finnst algjörar gersemar!!! Ég kom hingað bara með hluti í tösku sem þykja dýrmætir á mælikvarða peninga en voru þannig séð einskis virði fyrir mig! Ég var sem sagt í sömu fötunum allan daginn í næstum þrjá daga, svaf í þeim og allt og þeir hlutir sem ég var með í handfarangri hafði ég sem næst mér allan tímann svo mér liði ekki eins og einni í heiminum. Sem betur fer var ég með Mary Poppins veskið mitt (nú hlæja etv sumar vinkonur mínar en fyrir þá sem ekki vita þá er ég yfirleitt með allt í veskinu mínu frá degi til dags, allt frá peningum og varasalva upp í landakort og handspritt.) Ég var sem betur fer með hárbursta, tannbursta, penna og fleira þess háttar. Ætla að muna það næst þegar ég ferðast svona langt að hafa allavegana smá af aukafötum í handfarangri!!!

Annars gengur dagurinn þannig fyrir sig núna að ég mæti í skólann kl 8:45 og er keyrð þangað með skólabíl. Fyrsti tíminn er frá 8:45-10:30 og þá eru frímínútur til 10:55 og svo er ég búin kl 12:10. Frekar stuttur skóladagur en maður þarf að ná svo miklu svona fyrstu dagana að heilinn myndi steikjast ef að það yrði kennt lengur en þetta. Maður verður nú að meðtaka það sem maður er að læra J Eftir hádegi hef ég farið niður í miðbæ með Mandy (hollensku vinkonu minni). Við eigum ótrúlega margt sameiginlegt þó að hún sé 6 árum yngri en ég. Við eigum báðar heima í bæ þar sem flugvélarnar fljúga yfir húsin okkar en það er einmitt eitt af því sem minnir okkur á heimahagana hér því það fljúga flugvélar allan daginn yfir Antibes. Mér finnst hún ótrúlega hugrökk því hún fór ekki bara frá bestu fjölskyldu í heimi eins og ég heldur á hún líka kærasta og er bara 19 ára gömul. Hún er háð mömmu sinni og pabba eins og ég þannig að við getum spjallað um margt. Vildi að ég gæti skipt um herbergisfélaga og fengið hana í staðinn fyrir þá kóreysku – þó að hún sé mjög fín stelpa, hún bara skilur ekkert greyið. Skrítið að þurfa allt í einu að taka tillit til ókunnugrar manneskju og ég varð svei mér þá að þrífa undan gellunni í dag…… svört, löng hár allsstaðar og frekar bjakk að sjá kóreysk pjásuhár í sturtunni :) hehehe nei ég segi svona! Þær eru hér 5 saman frá Kóreu og tala bara sitt tungumál “tjonghahalaaaaa manimohagaaa” o.s.frv.

Maður kann svo sannarlega að meta sitt heimili heima þar sem allt er til taks, bæði foreldrarnir, herbergið mitt og matur. Hérna þarf ég að kaupa vatn og mat (enginn mömmu og pabba ísskápur fullur af góðgæti) og ég tými ekki að henda neinu. Borða allt sem ég kaupi og kaupi ekkert nema ég sé handviss um að ég muni borða það. Tala nú ekki um að vera á bíl og það að keyra út í Fíabúð sem er í 5 mínútna göngufæri – hvað er það? - hér labbar maður allt!!
Hótel mamma er sko besta hótel í heimi og það eitt að heyra röddina í foreldrum sínum er meira en milljón evra virði!!!! Það er ótrúlega gott að vita að maður á góða að sem vilja gera allt til að hjálpa manni!! Mér finnst ég allavegana ríkasta manneskja í heimi að eiga mína litlu kjarnafjölskyldu og allar mínar góðu vinkonur! Allt í lagi áður en fólk fer að fella tár ætla ég að hætta í bili J

A´bientot! Imbsí bimbsí!!! :*