Imba fox c",)

Howdy people! HAPPY WOMAN´S DAY! Hvurslags er þetta eiginlega, júní er strax hálfnaður….. men hvað þetta er fljótt að líða! En það þýðir ekki að ég sé búin að liggja aðgerðarlaus með tærnar uppí loft …..ónei! Fullt af djammferðum framundan….jibbííííí!

En það sem er helst að frétta úr Keflavíkinni er að þar hafa nokkrir einstaklingar gengið berserksgang um bæinn undanfarna daga og stolið ýmis konar hlutum, ekki bara léttum hlutum, líka stórum og þungum! Lögreglan hefur ekki ennþá náð í skottið á hrekkjusvínunum sem hafa þann vana á að keyra með alla þessa stolnu hluti í bílum sínum um bæinn og skilja þá eftir hjá “saklausu” fólki um allan bæ!

Starfsfólk IGS hefur sérstaklega fundið fyrir þessum vágestum og vorum við Anna María fórnarlömb næturinnar! Þegar ég ætlaði í vinnuna í morgun þá lágu eftirtaldir hlutir í innkeyrslunni minni: bleik snjóþota, betur þekkt undir nafninu “Bleika Þruman”, lítið kolryðgað barnahjól, einn múrsteinn, stór appelsínugul keila (hugsanlega stolið af Hafnargötunni þar sem framkvæmdir standa yfir í augnablikinu), grænn plasthringur var festur á rúðuþurrkuna mína og loks var risastórt skilti (hugsanlega af einni af bílasölum bæjarins) sem hindraði leið Bradleys út úr innkeyrslunni! Þetta er að sjálfsögðu mikill ófögnuður og ætla ég að gera mitt besta til að aðstoða laganna verði til að klófesta þessi hrekkjusvín……… ekki nema þau gefi sig fram og þá fá vægari refsingu í staðinn! hehehehe

Að sjálfsögðu er þetta bara hrekkur milli okkar stelpnanna í vinnunni sem kemur okkur í gott skap kl 5:30 á hverjum morgni og get ég ímyndað mér að ágúst endar með hópferð á ruslahaugana með allt það drasl sem við höfum sankað að okkur!

Hugsanlega hlífum við þó “Bleiku Þrumunni”, enda gæðasnjóþota þar á ferð!
En það nýjasta nýtt af mér er það að ég er að læra að vera “rampur” í vinnunni, sem þýðir að ég mun koma til með að keyra ranana upp að flugvélunum

og það er bara stuuuuuð! Svo er ég búin að klippa lubbann minn af,

löngu, ljósu lokkarnir fengu að fjúka um daginn og er ég nú með sutt hár! Skrítið en baaaara þægilegt! Persónulega finnst mér ég dead sexy svona (meira en ég var fyrir) múhahaha
Minn elskulegi Ragnar Agnars bað kærlega að heilsa ykkur öllum og vonast hann til að sjá ykkur öll þegar hann kemur frá Chile í júlí! Hann og Larry eru alveg að flippa út með öllum kroppunum þarna úti! I miss him!

Að lokum, vegna fjölda áskoranna, þá ætla ég að reyna að uppfæra þessa síðu oftar……. Þið sem nennið að lesa þessa vitleysu sem vellur uppúr mér, þið eruð hetjur

og þakka ég ykkur mikið vel fyrir, yours Foxy Mojo